सनातन प्रभात > Post Type > बातम्या > राष्ट्रीय बातम्या > Ram Temple Theft : नोटांचे बंडल चोरून सॉक्समध्ये लपवतांना दिसले ५ कर्मचारी !

Ram Temple Theft : नोटांचे बंडल चोरून सॉक्समध्ये लपवतांना दिसले ५ कर्मचारी !

श्रीराममंदिरातील दान चोरीचे सीसीटीव्ही चित्रीकरण आले समोर !

अयोध्या (उत्तरप्रदेश) – श्रीराममंदिराच्या ‘पिलग्रिम फॅसिलिटी सेंटर’मधील ४५ दिवसांच्या सीसीटीव्ही चित्रीकरणाची पोलिसांनी कसून पडताळणी केल्यावर पैशांची मोजणी करणार्‍या ५ कर्मचार्‍यांनी नोटांचे बंडल काढून ते स्वतःच्या कपड्यांमध्ये किंवा सॉक्समध्ये लपवल्याचे उघड झाले. ‘दुर्दैवाने मंदिर प्रशासन ४५ दिवसांहून अधिक जुने सीसीटीव्ही चित्रीकरण जतन करत नाही. त्यामुळे हा प्रकार कधीपासून चालू होता ?, हे आम्ही निश्चितपणे सांगू शकत नाही’, असे एका पोलीस अधिकार्‍याने सांगितले.

१. ज्या यंत्रणेद्वारे या कर्मचार्‍यांची नियुक्ती करण्यात आली होती, त्या यंत्रणेने या कर्मचार्‍यांची निवड तिने केली नसल्याचा दावा केला आहे. ज्या स्टेट बैंक ऑफ इंडियामध्ये दानाची रक्कम जमा केली जात होती, त्याच बँकेने या नियुक्त्यांसाठी या नावांची शिफारस केल्याचे यंत्रणेचे म्हणणे आहे.

२. आतापर्यंत पोलिसांच्या पथकाने आरोपींकडून ८० लाख रुपये जप्त केले आहेत. मंदिरात विविध दानपेट्यांमध्ये जमा झालेले पैसे मोजण्यासाठी न्यासाने ५० लोकांना कामावर ठेवले होते.

नूतन लेख