सनातन प्रभात > Post Type > बातम्या > राष्ट्रीय बातम्या > यू ट्यूबर ध्रुव राठी याचा हिंदूंच्या देवतांविषयीचा व्हिडिओ हटवण्यावर १५ दिवसांत निर्णय घ्या ! – Delhi High Court

यू ट्यूबर ध्रुव राठी याचा हिंदूंच्या देवतांविषयीचा व्हिडिओ हटवण्यावर १५ दिवसांत निर्णय घ्या ! – Delhi High Court

  • देहली उच्च न्यायालयाचा केंद्र सरकारला आदेश

  • अधिवक्त्या अमिता सचदेवा यांच्या याचिकेवर दिला आदेश

(‘यू ट्यूबर’ म्हणजे स्वतःच्या यू ट्यूब वाहिनीद्वारे व्हिडिओ अपलोड करणारी व्यक्ती)

यू ट्यूबर ध्रुव राठी

नवी देहली – यू ट्यूबर ध्रुव राठी याने हिंदूंच्या देवतांविषयी प्रसारित केलेला  व्हिडिओ हटवला जावा कि नाही, यावर पुढील १५ दिवसांत तातडीने निर्णय घेण्याचे निर्देश देहली उच्च न्यायालयाने केंद्र सरकारच्या तक्रार अपीलीय समितीला दिले आहेत. या व्हिडिओद्वारे मानहानी केल्याचा आणि धार्मिक भावना दुखावल्याचा आरोप आहे.

अधिवक्त्या अमिता सचदेवा यांनी प्रविष्ट केलेल्या अपीलावर हा निर्णय देण्यात आला. अधिवक्त्या सचदेवा यांनी राठीच्या व्हिडिओच्या विरोधात फौजदारी गुन्हाही प्रविष्ट केला आहे.

हिंदूंच्या देवतांचा अवमान सहन केला जाणार नाही ! – केंद्र सरकार

केंद्र सरकारची बाजू मांडणारे अतिरिक्त सॉलिसिटर जनरल चेतन शर्मा न्यायालयात म्हणाले की, या व्हिडिओमध्ये हिंदूंच्या देवतांविषयी आक्षेपार्ह विधाने आहेत आणि ती सहन केली जाऊ शकत नाहीत. एकतर मध्यस्थाने स्वतःहून हा व्हिडिओ हटवला पाहिजे किंवा तसे करण्यासाठी न्यायालयीन आदेश प्रसारित केला पाहिजे.

व्हिडिओमध्ये नक्की काय आहे ?

ध्रुव राठीच्या २१ मार्च या दिवशीच्या एका व्हिडिओवर सचदेवा यांनी आक्षेप घेतला आहे. या व्हिडिओचे शीर्षक ‘कॅन हिंदूज इट बीफ ? केरला स्टोरी २ एक्सपोस्ड’ असे आहे. या व्हिडिओमध्ये राठीने हिंदु धर्मग्रंथांमधील खाण्यापिण्याच्या सवयींवर चर्चा केली आहे. प्राचीन ग्रंथ आणि ऋषीमुनी यांनी प्रभु राम आणि प्रभु कृष्ण यांसारख्या देवतांच्या मांसाहाराचा उल्लेख केल्याचा युक्तीवाद त्याने या व्हिडिओत केला आहे.

संपादकीय भूमिका

ध्रुव राठी विदेशात राहून हिंदूंच्या देवतांच्या विरोधात विधाने करणारे व्हिडिओ प्रसारित करत आहे. केंद्र सरकारने केवळ व्हिडिओच हटवू नयेत, तर त्याला विदेशातून कारवाई करून भारतात आणण्यासाठी प्रयत्न केले पाहिजेत !

नूतन लेख