तालिबानकडून पाकमधील इस्लामिक स्टेटच्या तळांवर ड्रोनद्वारे आक्रमण

काबुल (अफगाणिस्तान) – अफगाणिस्तानातील तालिबान सरकारने पाकिस्तानमधील  इस्लामिक स्टेटच्या तळांवर हवाई आक्रमण केले. या तळांवरून अफगाणिस्तानातील नागरिकांवर आक्रमण करण्याचे कट रचले जात असल्याचे तालिबानने म्हटले आहे. पाकिस्तानने २ दिवसांपूर्वी केलेल्या हवाई आक्रमणाला तालिबानने हे प्रत्युत्तर दिले आहे. ही कारवाई पाकिस्तानातील बलुचिस्तान आणि खैबर पख्तूनख्वा या प्रांतांमध्ये करण्यात आली. या कारवाईत अनेक आतंकवादी ठार झाल्याचा दावा करण्यात आला असून कोणत्याही सामान्य नागरिकाला इजा झाली नसल्याचेही तालिबानने स्पष्ट केले.

भारतीय परराष्ट्र मंत्रालयाने पाकिस्तानच्या अफगाणिस्तानवरील आक्रमणाचा निषेध करत दुसर्‍या सार्वभौम देशाच्या सीमेत घुसून आक्रमण करणे, हे आंतरराष्ट्रीय नियमांचे उल्लंघन असल्याचे म्हटले आहे.