आपण हिंदु धर्माविषयीच्या द्वेषाच्या विरोधात खंबीरपणे उभे राहिले पाहिजे ! – US Congressman Sanford Bishop

वॉशिंग्टन (अमेरिका) – आपण ‘हिंदूफोबिया’च्या (हिंदु धर्माबद्दलच्या द्वेषाच्या) विरोधात खंबीरपणे उभे राहिले पाहिजे. हिंदु धर्माचा द्वेष करण्याचा निषेध करणारा ठराव संमत करणारे माझे जॉर्जिया हे अमेरिकेतील पहिले राज्य बनले आहे, असे अमेरिकेचे खासदार सॅनफोर्ड बिशप यांनी म्हटले आहे. खासदार सॅनफोर्ड बिशप यांनी हे विधान वॉशिंग्टन डी.सी. मधील अमेरिकी संसदेच्या आवारात आयोजित एका विशेष कार्यक्रमात आणि त्यांच्या अधिकृत माध्यमांवरील खात्यावरून केले.

जॉर्जिया राज्याने हा ठराव १ एप्रिल २०२३ मध्येच संमत केला आहे. सध्या अमेरिकेत ‘हिंदू वारसा महिन्या’च्या संदर्भातील एका विशेष जागतिक परिषदेचे आयोजन करण्यात आले होते. या कार्यक्रमात अमेरिकेतील हिंदु समुदायाने देशाच्या प्रगतीत दिलेल्या योगदानाचा गौरव केला गेला. त्या वेळी खासदार सॅनफोर्ड बोलत होते.

गेल्या काही महिन्यांत अमेरिकेतील काही राज्यांमध्ये हिंदूंच्या मंदिरांवर झालेली आक्रमणे आणि हिंदुद्वेषाच्या वाढत्या घटनांच्या पार्श्वभूमीवर सॅनफोर्ड बोलत होते.