Bahraich Talaq :  सासर्‍याने बलात्कार केल्याचे सांगताच पती रेहानकडून पत्नीला  तलाक !

बहराइच (उत्तरप्रदेश) – येथील एका मुसलमान महिलेने तिचा पती रेहान याच्याकडे ‘तिचा सासरा ‘अच्छन’ तिच्यावर वारंवार बलात्कार करतो’, अशी तक्रार केली. यावर रेहानने तिला त्वरित तलाक देत घराबाहेर काढले. रेहाने दूरभाषवरूनच महिलेला ‘तिहेरी तलाक’ दिला. पीडितेने पोलिसांत तक्रार केली असली, तरी अद्याप कुणाला अटक करण्यात आलेली नाही.

ही घटना जिल्ह्यातील रुपैडीहा गावातील ‘मुस्लिम बाग’ परिसरातील आहे. पीडिता मूळची लक्ष्मणपुरीची असून ३ वर्षांपूर्वी तिचे रेहानशी लग्न झाले होते. तिच्यावर अच्छनने अनेक वेळा बलात्कार केला, तसेच बंदुकीचा धाक दाखवून तिला तो गप्प बसवत असे, असा महिलेचा आरोप आहे.