Jai Shri Ram : ‘जय श्रीराम’ म्हटल्याने हिंदु विद्यार्थ्याला मुसलमान विद्यार्थ्यांनी केली अमानुष मारहाण !

कोलकाता (बंगाल) – राज्यातील दक्षिण २४ परगणा जिल्ह्यात असलेल्या बारुईपूर शहराची ही घटना. येथील एका शाळेत दहावीतील एका हिंदु विद्यार्थ्याने ‘जय श्रीराम’ ही घोषणा दिल्यावरून त्याच्याच मुसलमान वर्गमित्रांनी शाळेच्या आवारात त्याला अमानुष मारहाण केली. ४ जूनला ‘मदारत पॉप्युलर अकॅडमी’मध्ये ही घटना घडली. या घटनेचा व्हिडिओ सामाजिक माध्यमांवर प्रसारित झाल्यानंतर १० जूनला शाळेच्या परिसरात हिंदूंचे तीव्र आंदोलन झाले.

⚠️ "Punished for Saying 'Jai Shri Ram'?"

🚨 Baruipur, Bengal: A Hindu student was assaulted by Mu$lim classmates and forced to apologise for chanting "Jai Shri Ram."

The victim claims school authorities were informed but failed to act.

Following public outrage and protests,… pic.twitter.com/M64SYE9U3A

— Sanatan Prabhat (@SanatanPrabhat) June 12, 2026

मिळालेल्या माहितीनुसार देबाजीथ हलदार या पीडित विद्यार्थ्याला १० ते १२ मुसलमान विद्यार्थ्यांच्या गटाने शाळेच्या स्वच्छतागृहात ओढून नेले.

देबाजीथ म्हणाला की,

१. आक्रमणकर्त्यांनी मला चुकीने दुसराच विद्यार्थी समजले. ज्या मुलाने वर्गात ‘जय श्रीराम’ची घोषणा दिली होती, त्याच्याशी माझे साम्य होते.

२. मला स्वच्छतागृहात कोंडूनही ठेवण्यात आले होते. मी सांगण्याचा प्रयत्न केला की, मी तो मुलगा नाही, तरी माझे काहीएक ऐकून न घेता मला क्षमा मागण्यास भाग पाडण्यात आले.

३. एका बाजूला काही जण मला मारत होते आणि काही जण व्हिडिओ बनवत होते.

४. मी माझ्या शिक्षकांनाही या घटनेविषयी माहिती दिली होती; परंतु त्यांनी काहीही केले नाही.

देबाजीथच्या कुटुंबीयांनी व्यक्त केली व्यथा !

देबाजीथच्या शरिराच्या अनेक भागांवर, विशेषतः कानाला दुखापत झाली असून त्याला ऐकण्यासही त्रास होत आहे. त्याला अनेकदा डॉक्टरांकडे नेण्यात आले आहे आणि तो मानसिक धक्क्यातून जात आहे. भीतीमुळे त्याने शाळेत जाणे बंद केले आहे. बारुईपूर पोलीस ठाण्यात याप्रकरणी अधिकृत तक्रार प्रविष्ट (दाखल) करण्यात आली आहे.

१० जूनला मारहाणीचा व्हिडिओ प्रसारित झाल्यानंतर अनेक हिंदु संघटना आणि भाजपचे समर्थक शाळेबाहेर मोठ्या संख्येने जमा झाले. त्यांनी आरोपी विद्यार्थ्यांवर कठोर कारवाईची मागणी केली. या वेळी आंदोलकांनी रस्ता रोखून धरला होता. वाढत्या तणावाच्या पार्श्वभूमीवर शिक्षक आणि विद्यार्थी शाळेच्या आवारात अडकून पडले. संतप्त आंदोलकांनी आक्रमणकर्त्यांपैकी काहींना मारहाण केल्याचेही समजते.