Corporate Jihad : धर्मांतरास नकार दिल्याने ‘Wipro’च्या हिंदु महिलेला नोकरीवरून काढले !

पुणे, ३ जून (वार्ता.) – नाशिक येथील ‘टी.सी.एस्.’मधील धक्कादायक प्रकारानंतर मुंबईतील स्टेट बँकेतील लव्ह जिहादचे प्रकरण समोर आले. आता पुण्यातील ‘विप्रो’ या नामांकित आस्थापनातूनही ‘कॉर्पोरेट जिहाद’ आणि धार्मिक छळाचे अत्यंत गंभीर प्रकरण समोर आले आहे. या प्रकरणी हिंजवडी पोलीस ठाण्यात तक्रार प्रविष्ट झाली आहे. संबंधित पीडित हिंदु महिलेने हिंदु जनजागृती समितीने घेतलेल्या पत्रकार परिषदेत प्रत्यक्ष उपस्थित राहून या प्रकरणाला धैर्याने वाचा फोडली.

🚨 "Anti-Hindu agenda in Pune's IT sector will not be tolerated!" – @SG_HJS @HinduJagrutiOrg

HJS has pledged support to the victim and demanded a comprehensive probe into allegations of "Corporate Jihad" and religious harassment in multinational corporations.

It stated that… pic.twitter.com/D3zy4ZZhrw

— Sanatan Prabhat (@SanatanPrabhat) June 3, 2026

समितीने या संतापजनक घटनेचा जाहीर निषेध केला आहे. ‘या प्रकरणात मुख्यमंत्री देवेंद्र फडणवीस यांनी तातडीने लक्ष घालून संपूर्ण प्रकरणाचे उच्चस्तरीय अन्वेषण करून दोषींवर कठोर कायदेशीर कारवाई करावी’, अशी मागणी समितीचे महाराष्ट्र आणि छत्तीसगड राज्यांचे संघटक श्री. सुनील घनवट अन् पीडित महिला यांनी पत्रकार परिषदेत केली.

‘टीसीएस’, ‘एस्‌बीआय’नंतर ‘विप्रो’मध्येही ‘कॉर्पोरेट जिहाद’!

धर्मांतरास नकार दिल्याने ‘विप्रो’ कंपनीतील हिंदू महिला कर्मचाऱ्याला नोकरीवरून काढले; हिंदु जनजागृती समितीची कारवाईची मागणी !

🎙️ श्री. सुनील घनवट, राज्य संघटक, महाराष्ट्र व छत्तीसगड, हिंदु जनजागृती समिती, (संपर्क क्र.:… pic.twitter.com/TG1cNV65NZ

— Sunil Ghanwat 🛕🛕 (@SG_HJS) June 3, 2026

पुणे येथील ‘श्रमिक पत्रकार भवन’ येथे पार पडलेल्या या पत्रकार परिषदेला पीडित हिंदु महिला (‘विप्रो’ची माजी कर्मचारी), हिंदु जनजागृती समितीचे पुणे जिल्हा समन्वयक श्री. पराग गोखले, ‘राष्ट्रभक्त अधिवक्ता समिती’चे अधिवक्ता विवेक भोसले, अधिवक्ता गोपाळ तेलंग आणि रणरागिणी शाखेच्या कु. क्रांती पेटकर उपस्थित होत्या.

काय आहे प्रकरण ?

‘विप्रो’मध्ये कार्यरत असतांना पीडितेवर इस्लाम धर्म स्वीकारण्यासाठी आणि एका मुसलमान व्यक्तीसमवेत शारीरिक संबंध प्रस्थापित करण्यासाठी प्रचंड मानसिक दबाव निर्माण करण्यात आला. या धर्मविरोधी आणि अनैतिक प्रकाराला तिने ठामपणे नकार देत आस्थापन व्यवस्थापनाकडे (‘कंपनी मॅनेजमेंट’कडे) तक्रार केली; मात्र व्यवस्थापनाने आरोपीवर कारवाई करण्याऐवजी पीडितेलाच नोकरीवरून काढून टाकले.

कॉर्पोरेट क्षेत्रामधील हिंदु महिलांची सुरक्षा आणि आस्थापन व्यवस्थापनाची पारदर्शकता ऐरणीवर ! – पीडिता

पीडित हिंदु महिलेने सांगितले की, ती ‘विप्रो’मध्ये प्रामाणिकपणे कर्तव्य बजावत असतांना ‘टीम’ (गट) मधील शाहिना रफिक नावाच्या एका महिला सहकार्‍याने माझ्या वैयक्तिक आयुष्यात जाणीवपूर्वक अवाजवी हस्तक्षेप करण्यास प्रारंभ केला. शाहिनाने तिच्या ओळखीच्या ‘शेख’ नावाच्या मुसलमान व्यक्तीशी शारीरिक संबंध प्रस्थापित करण्याचा, तसेच स्वतःचा मूळ हिंदु धर्म सोडून इस्लाम स्वीकारण्याचा पुष्कळ आग्रह धरला. ‘जर तू इस्लाम स्वीकारून मुसलमान व्यक्तीसमवेत राहिलीस, तर तुला दुबईत ऐषोआरामात आणि शांततेत जीवन जगता येईल’, अशी आमिषेही सातत्याने दाखवण्यात आली. सततच्या धार्मिक आणि मानसिक छळाला कंटाळून पीडितेने शाहिनाशी बोलणे पूर्णपणे बंद केले अन् केवळ कार्यालयीन कामापुरता मर्यादित संपर्क ठेवला.

पीडितेच्या म्हणण्यानुसार या वाढत्या त्रासाची आणि छळाची रीतसर तक्रार तिने आस्थापनाच्या वरिष्ठ अधिकार्‍यांकडे केली होती; मात्र ‘विप्रो’ प्रशासनाने शाहिना रफिक हिच्यावर कोणतीही दंडात्मक किंवा प्रतिबंधात्मक कारवाई केली नाही. उलटपक्षी शाहिनाने सूडबुद्धीने पीडितेचे छुप्या पद्धतीने आणि तथ्ये फिरवून ध्वनीमुद्रीत केलेले संभाषण देऊन खोटी तक्रार केली. या संपूर्ण प्रकरणातील वरिष्ठ अधिकार्‍यांनी शाहिनाला उघडपणे पाठीशी घालत तिच्यावर कारवाई करण्यास नकार दिला, तसेच ‘विप्रो’च्या एच्.आर्. (मानव संसाधन विभाग) आणि व्यवस्थापन समितीने पीडितेची बाजू, तिची पूर्वतक्रार आणि पुरावे पूर्णपणे फेटाळून लावत एकतर्फी कारवाई केली.

🚨 ‘टीसीएस’, ‘एस्‌बीआय’नंतर आता ‘विप्रो’मध्येही कथित ‘कॉर्पोरेट जिहाद’चा आरोप!

कामाच्या ठिकाणी कोणत्याही हिंदू महिलेला धार्मिक छळ, भेदभाव किंवा धर्मांतरासाठी दबाव सहन करावा लागत असेल, तर त्यांनी न घाबरता पुढे यावे.

📞 मदतीसाठी संपर्क : 77382 33333

🎙️ कु. क्रांती पेटकर… pic.twitter.com/zjzrLQquQR

— Sunil Ghanwat 🛕🛕 (@SG_HJS) June 3, 2026

पीडितेच्या संमतीविना बळजोरीने तिच्या ‘लॅपटॉप’वरून त्यागपत्र सादर !

ऑगस्ट २०२५ च्या अखेरीस एच्.आर्. प्रतिनिधी प्रशांत जी.आर्. यांनी पीडितेला एका ‘मायक्रोसॉफ्ट टीम्स’ बैठकीसाठी बोलावले. त्या बैठकीच्या वेळी ‘टेक्निकल ट्रिक्स’ (तांत्रिक क्लृप्त्या) वापरून पीडितेच्या ‘लॅपटॉप’चा (भ्रमणसंगणकाचा) ‘स्क्रीन कंट्रोल’ स्वतःकडे घेतला आणि तिला कोणतीही पूर्वकल्पना न देता तिच्या संमतीविना बळजोरीने तिलाच त्यागपत्र सादर करण्यास भाग पाडले.

बळजोरीने त्यागपत्र लिहून घेणे म्हणजे श्रम आणि कामगार कायद्यांचे थेट उल्लंघनच ! – अधिवक्ता विवेक भोसले

कोणत्याही पूर्वसूचनेविना नैसर्गिक न्यायाच्या तत्त्वांना हरताळ फासून आणि चौकशीअंती स्वतःचे म्हणणे मांडण्याची कायदेशीर संधी न देता बळजोरीने त्यागपत्र घेणे, हे भारतीय श्रम आणि कामगार कायद्यांचे थेट उल्लंघन आहे, असे अधिवक्ता भोसले यांनी या वेळी सांगितले.

पुणे येथील आयटी क्षेत्रातील हिंदुविरोधी अजेंडा खपवून घेणार नाही ! – हिंदु जनजागृती समिती या प्रकरणात पीडितेला न्याय मिळवून देण्यासाठी हिंदु जनजागृती समिती पीडितेच्या पाठीशी आहे. ही घटना सुनियोजित ‘कॉर्पोरेट जिहाद’चाच भाग आहे. बहुराष्ट्रीय आस्थापनांमध्ये उच्चपदांवर बसून हिंदु महिलांच्या धार्मिक आणि वैयक्तिक स्वातंत्र्याची गळचेपी करण्याचा हा प्रकार अत्यंत चिंताजनक आहे. हा केवळ एकच प्रकार नसून अनेक प्रकरणे घडल्याची शक्यता नाकारता येत नाही. पुण्ो येथील आयटी क्षेत्रातील हा हिंदुविरोधी अजेंडा आणि छळ कोणत्याही परिस्थितीत सहन केला जाणार नाही. अन्य मोठ्या आस्थापनांमध्ये असे प्रकार घडत आहेत का ? याची सरकारने व्यापक चौकशी केली पाहिजे. कोणत्याही हिंदु महिलेवर अशा प्रकारचा अन्याय, धार्मिक छळ अथवा धर्मांतरासाठी दबाव येत असेल, तर त्यांनी न घाबरता हिंदु जनजागृती समितीच्या ७७३८२ ३३३३३ या क्रमांकावर संपर्क साधावा, असे आवाहन श्री. घनवट यांनी केले.