पाकिस्तानी गुंडाच्या संपर्कातील धर्मांध मुंब्रा येथून कह्यात !

ठाणे – पाकिस्तानातील कुप्रसिद्ध गुंड शहजाद भट्टी याच्या संपर्कात असल्याच्या संशयावरून नवी देहली येथील विशेष पथक आणि ठाणे शहर आतंकवादविरोधी पथक यांनी संयुक्त कारवाई करत मुंब्रा येथून तौकीर रिजवान अहमद शेख (वय २६ वर्षे) याला कह्यात घेतले. त्याच्या अधिकोषातील खात्यात पाकिस्तानमधून रक्कम जमा झाल्याची माहिती अन्वेषणात समोर आली आहे. (त्याला पाकिस्तानातून अर्थपुरवठा कोण करते ? याची सखोल चौकशी व्हायला हवी ! तसेच या पैशांचा तो कुठे वापर करणार होता ?, याचेही अन्वेषण व्हावे ! – संपादक) तौकीरच्या आईने सांगितले की, तो निर्दोष असून त्याला जाणूनबुजून अडकवण्याचा प्रयत्न केला जात आहे.