कोईम्बतूर (तमिळनाडू) येथे १० वर्षांच्या मुलीवर लैंगिक अत्याचार करून  हत्या !

कोईम्बतूर (तमिळनाडू) – येथील सुलूर परिसरात एका १० वर्षांच्या मुलीवर लैंगिक अत्याचार करून नंतर तिची हत्या केल्याचे समोर आले आहे. घराजवळ किराणा सामान आणण्यासाठी गेलेली मुलगी गावाबाहेरील तलावाजवळ मृतावस्थेत सापडली. या घटनेवर मुख्यमंत्री जोसेफ विजय यांनीही प्रतिक्रिया देत ही घटना दुःखद असल्याचे म्हटले. या प्रकरणाशी संबंधित दोघांना अटक करण्यात आली आहे. ‘दोषींवर कठोर कारवाई करण्यात येईल’, असे त्यांनी सांगितले.

याविषयी पत्रकार परिषद घेऊन कोईम्बतूर पश्चिम विभागाच्या पोलीस महानिरीक्षक  आर्.व्ही. रम्या भारती यांनी माहिती दिली. अशा गंभीर घटनेविषयी पत्रकार परिषद घेणार्‍या या महिला पोलीस अधिकार्‍याने एखाद्या आनंदोत्सवाच्या कार्यक्रमाला आल्यासारखे हसत वेळ घालवला. रम्या भारती यांचे हे वर्तन चित्रीत होऊन प्रसारित झाल्यानंतर ‘अशा अकार्यक्षम अधिकार्‍याला कामावरून बडतर्फ करा’, अशी मागणी संतप्त लोकांनी केली आहे.