अलीगडमध्ये कुख्यात गुंड मुबीन आणि रजा महंमद पोलीस चकमकीत ठार !

अलीगड (उत्तरप्रदेश) – येथे बंदुकीचा धाक दाखवून महिलांना लुटणारे २ कुख्यात गुंड मुबीन आणि रजा महंमद नुकतेच पोलीस चकमकीत ठार झाले. अलीगडच्या अतरौलीमध्ये झालेल्या या चकमकीत २ पोलीस शिपाई घायाळ झाले. मुबीन बुलंदशहरचा रहिवासी होता. त्याच्या विरोधात ‘गँगस्टर ॲक्ट’सह लुटमारीचे २८ गुन्हे प्रविष्ट होते, तर रजा महंमद हा हापुडचा रहिवासी होता. त्याच्यावर ४० गुन्हे नोंदवलेले होते. या दोघांवर प्रत्येकी २५ सहस्र रुपयांचे बक्षीसही घोषित करण्यात आले होते.

पोलिसांनी दिलेल्या माहितीनुसार हे दोघे अत्यंत चलाखीने गुन्हे करत असत. ते दुसर्‍या जिल्ह्यात जाऊन चोरी आणि महिलांना लुटण्याचे काम करायचे. त्यानंतर आपापल्या भागात येऊन एखाद्या सामान्य माणसाप्रमाणे रहायचे.