Balochistan Suicide Attack : बलुचिस्तानात झालेल्या आत्मघाती आक्रमणात ३० जणांचा मृत्यू, तर ८२ जण घायाळ

क्वेटा (बलुचिस्तान) – शहरातील रेल्वे रुळाजवळ २४ मे या दिवशी आत्मघाती आक्रमण झाले. यात तेथून जात असलेली ‘जाफर एक्सप्रेस’ सापडली. या आक्रमणात ३० लोकांचा मृत्यू झाला, तर ८२ जण घायाळ झाल्याची माहिती समोर आली आहे. येथील चमन फाटकाजवळ हा स्फोट झाला.

स्फोट इतका जोरदार होता की, रेल्वेगाडीचे अनेक डबे रुळावरून घसरले. पोलिसांनी सांगितले की, स्फोटाच्या प्रभावाने आजूबाजूच्या इमारतींच्या खिडक्यांच्या काचाही फुटल्या. सुरक्षा यंत्रणांनी संपूर्ण परिसर वेढला आहे. पुढील अन्वेषण केले जात आहे.