अनिष्ट शक्ती स्वभावदोषांच्या माध्यमातून त्रास देत असल्याने साधकांनी अधिकाधिक लक्ष स्वभावदोष आणि अहं यांच्या निर्मूलनाकडे द्यायला हवे ! 

सच्चिदानंद परब्रह्म डॉ. आठवले यांचे अनमोल मार्गदर्शन

एक साधिका : ‘स्वभावदोषांच्या माध्यमातून माझ्या बाबांवर अनिष्ट शक्तीचे आक्रमण होत असते’, असे माझ्या लक्षात येते; कारण ज्या दिवशी ते आतून पुष्कळ चिडलेले असतील, त्या रात्री त्यांना अधूनमधून जाग येते. तेव्हा ‘बाबांवर अनिष्ट शक्तींचे आक्रमण होते’, असे मला वाटते.

सच्चिदानंद परब्रह्म डॉ. आठवले : ‘राग येणे आणि भांडण करणे’ हे अनिष्ट शक्तींचेच त्रास आहेत. यासाठीच अनिष्ट शक्तींचा त्रास असलेल्या साधकांना आपण अधिकाधिक लक्ष स्वभावदोष आणि अहं यांच्या निर्मूलनाकडे द्यायला सांगतो. त्यासाठी सगळ्यांनीच एकमेकांना साहाय्य करायला हवे.’