गरजूंना अन्नदान करून शिवसेनेचे उपजिल्हाप्रमुख किशोर घाटगे यांचा वाढदिवस साजरा !

कोल्हापूर, १९ मे (वार्ता.) – येथील हिंदुत्वनिष्ठ आणि शिवसेनेचे उपजिल्हाप्रमुख श्री. किशोर घाटगे यांचा वाढदिवस उत्तरेश्वर पेठेतील ‘उत्तरेश्वर थाळी’ येथे गरजूंना अन्नदान करून साजरा करण्यात आला. या प्रसंगी ‘मातृभूमी चॅरिटेबल ट्रस्ट’चे संस्थापक श्री. राजेंद्र चव्हाण, हिंदु महासभेचे श्री. राजेंद्र तोरस्कर, श्री. मनोहर सोरप, श्री. प्रकाश गवंडी, श्री. दीपक काटकर, हिंदु जनजागृती समितीचे श्री. शिवानंद स्वामी, मंदिर महासंघाचे श्री. अशोक गुरव यांसह अन्य हिंदुत्वनिष्ठ, सामाजिक कार्यकर्ते मोठ्या संख्येने उपस्थित होते. उत्तरेश्वर थाळी येथे प्रतिदिन १५० पेक्षा अधिक गरजू लोकांना विनामूल्य अन्नदान करण्यात येते.