मुंबई, १६ मे (वार्ता.) – तपोभूमी भारताला सध्याच्या युद्धकाळात संरक्षणकवच लाभावे आणि भारताची सर्वांगीण अभिवृद्धी व्हावी, यासाठी सनातन संस्थेच्या वतीने श्री राजमातंगी महायज्ञाचे आयोजन करण्यात आले आहे. १७ मे या दिवशी प्रभादेवी येथील नर्दुल्ला टँक मैदानात दुपारी ३ ते सायंकाळी ७.३० या वेळेत हा चैतन्यमय महायज्ञ होणार आहे.

सनातन संस्थेचे संस्थापक सच्चिदानंद परब्रह्म डॉ. जयंत आठवले यांच्या आध्यात्मिक उत्तराधिकारी श्रीसत्‌शक्ति (सौ.) बिंदा सिंगबाळ आणि श्रीचित्‌शक्ति (सौ.) अंजली गाडगीळ यांच्या दिव्य उपस्थितीत होणार्‍या या महायज्ञाचा लाभ सहस्रो देवीभक्त घेणार आहेत.

🕉️ Mumbai to Witness the Divine Power of the ‘Shri Rajmatangi Mahayagna’ on May 17th for National Progress, Protection & Prosperity – @1chetanrajhans National Spokesperson, @SanatanSanstha

🌟 Biggest Attraction of the Mahayagna:
Devotees will get the rare opportunity to have… pic.twitter.com/TLWcaZwtvl

— Sanatan Prabhat (@SanatanPrabhat) May 16, 2026

राज्याचे राज्यपाल जिष्णू देव वर्मा, मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह मुंबई आणि परिसरातील अनेक नेते अन् मान्यवर यांना या महायज्ञाचे निमंत्रण देण्यात आले आहे.

या महायज्ञाचे पौरोहित्य इरोड, तमिळनाडू येथील शिवागम् विद्यानिधी आगमाचार्य श्री. अरुणकुमार गुरुमूर्ती आणि शिवाचार्य श्री. गुरुमूर्ती हे करणार आहेत.