‘श्री महालक्ष्मीदेवी देवस्थान परिसर विकास आराखड्या’तील १३९ मिळकतींचे प्राथमिक सर्वेक्षण पूर्ण !

कोल्हापूर – साडेतीन शक्तीपीठांपैकी एक असलेल्या ‘श्री महालक्ष्मीदेवी देवस्थान विकास परिसरा’च्या अंतर्गत पहिल्या टप्प्यातील कामास प्रारंभ करण्यात आला आहे. यात भूसंपादन होणार्‍या आणि बाधित होणार्‍या १३९ मिळकतींचे प्राथमिक सर्वेक्षण पूर्ण झाले आहे. या मिळकतींचे मूल्यांकन करण्याचे काम चालू असून त्याचा अहवाल लवकरच प्रशासनास सादर करण्यात येणार आहे. महसूल, महापालिका, नगर भूमापन कर्मचारी अशा कर्मचार्‍यांचा समावेश असलेल्या ३ पथकांकडून ८ दिवसांत हे सर्वेक्षण करण्यात आले. संपादित केल्या जाणार्‍या मूल्यांकनासाठी करवीर प्रांताधिकारी यांच्या अध्यक्षतेखाली समिती स्थापन केली जाणार आहे.