पेशावर (पाकिस्तान) येथील दूतावास बंद करण्याचा अमेरिकेचा निर्णय

वॉशिंग्टन – अमेरिकेने पेशावर येथील तिचे वाणिज्य दूतावास पूर्णपणे बंद करण्याचा निर्णय घेतला आहे. सुरक्षेच्या कारणास्तव घेतलेल्या या निर्णयामुळे पाकिस्तानच्या राजकीय वर्तुळात मोठी खळबळ उडाली आहे. अमेरिकेच्या परराष्ट्र मंत्रालयाने नुकतेच एक अधिकृत निवेदन प्रसिद्ध करून या निर्णयाची माहिती दिली. पेशावर आणि परिसरातील बिघडलेली सुरक्षाव्यवस्था पहाता, आपल्या कर्मचार्‍यांच्या सुरक्षेशी  कोणतीही तडजोड करू शकत नाही’, असे अमेरिकेने ठणकावून सांगितले आहे.

US Shuts Down Consulate in Peshawar, Pakistan

Amid rising security concerns, the United States has decided to close its consulate in Peshawar.

Diplomatic and political affairs of Khyber Pakhtunkhwa will now be handled directly from the US Embassy in Islamabad

Move signals… pic.twitter.com/Xa9zpOLLGn

— Sanatan Prabhat (@SanatanPrabhat) May 6, 2026

खैबर पख्तूनख्वा प्रांतातील सर्व कूटनीती आणि राजकीय कामकाज यांचे दायित्व  आतापर्यंत पेशावर दूतावासाकडे होते; मात्र आता हे सर्व कामकाज थेट इस्लामाबादमधील मुख्य अमेरिकन दूतावासातून हाताळले जाईल. इस्लामाबाद, कराची आणि लाहोर येथील अमेरिकन दूतावास पूर्वीप्रमाणेच सक्रीय रहातील, असे अमेरिकेने स्पष्ट केले आहे.