टेक्सास (अमेरिका) येथे अमेरिकी तरुणाने भारतीय राष्ट्रध्वज फाडला

टेक्सास (अमेरिका) – येथे एक अमेरिकी व्यक्ती तोंडात सिगारेट घेऊन भारताचा ध्वज फाडत असल्याचा व्हिडिओ सामाजिक माध्यमांत प्रसारित झाला. यानंतर सर्वत्र संताप व्यक्त होत आहे. ही घटना टेक्सासमधील सिटी हॉलसमोर घडल्याची माहिती समोर आली आहे. या वेळी काही लोक त्याचे समर्थन करत त्याला प्रोत्साहन देत असल्याचेही व्हिडिओत दिसत आहे. भारताविषयी अर्वाच्य भाषा वापरल्याचेही यात दिसून येत आहे. उत्तर डॅलसमधील भारतीय स्थलांतरितांच्या अतिआक्रमणाविरुद्ध नागरिक आंदोलन करत असतांना ही घटना घडल्याचे सांगितले जात आहे.