Israel Hezbollah War : इस्रायलकडून हिजबुल्लाचे २ किमी लांबीचे २ बोगदे उद्ध्वस्त

तेल अविव (इस्रायल) – इस्रायलने लेबनॉनमध्ये असलेले हिजबुल्लाचे २ किलोमीटर लांबीचे २ बोगदे उद्ध्वस्त केले आहेत. लेबनॉनमधील आतंकवादी विचारसरणीचा राजकीय पक्ष असलेल्या हिजबुल्लाने इराणच्या साहाय्याने इस्रायलच्या सीमेपासून अवघ्या १० किलोमीटर अंतरावरील कंतारा शहरात हे बोगदे बांधले होते. त्यासाठी त्याला तब्बल १० वर्षे घालवावी लागली होती. २८ एप्रिलला इस्रायलने ४५० टन स्फोटकांचा वापर करून हे बोगदे पूर्णपणे उद्ध्वस्त केले.

🚨 Israel destroys two massive Hezbollah tunnels (2 km each) using 450 tons of explosives 💥

Israeli military says the tunnels were built with support from Iran to conceal large numbers of Radwan Force militants, stockpile weapons, and maintain communication/logistics, enabling… pic.twitter.com/8UAH5pCkTG

— Sanatan Prabhat (@SanatanPrabhat) May 1, 2026

हे दोन बोगदे आतापर्यंत शोधण्यात आलेल्या बोगद्यांपैकी सर्वांत लांब होते, असे इस्रायली सैन्याने स्पष्ट केले. हे बोगदे २५ मीटर खोलपर्यंत विस्तारलेले होते.

हिजबुल्लाच्या नष्ट झालेल्या बोगद्यांचा मुख्य उद्देश !

इस्रायली सैन्याने सांगितले की, हिजबुल्लाची एक विशेष तुकडी ‘रदवान फोर्सेस’चे आतंकवादी मोठ्या प्रमाणात लपवून ठेवणे आणि त्यांना शस्त्रास्त्रे, दळणवळणाची साधने, तसेच इतर आवश्यक रसद पुरवणे, जेणेकरून त्यांना इस्रायलच्या विविध शहरांवर आक्रमणे करणे शक्य होईल, हे या बोगद्यांच्या उभारणीमागील मुख्य उद्दिष्ट होते.