Indonesia Blasphemy Case : मुसलमानबहुल इंडोनेशियात कुराणावर पाय ठेवून शपथ घेण्याची बळजोरी केल्यावरून २ महिलांना अटक !

जकार्ता (इंडोनेशिया) – इंडोनेशियातील बँटन प्रांतात ईशनिंदेचे एक प्रकरण समोर आले आहे. ही घटना चोरीचा आरोप आणि त्यानंतर कुराणावर पाय ठेवून शपथ घेण्याच्या वादाशी संबंधित आहे. याचा व्हिडिओ सामाजिक माध्यमांतून सर्वत्र प्रसारित झाल्यानंतर देशात संतापाची लाट उसळली. पोलिसांनी प्रांतातील लेबक जिल्ह्यात ईशनिंदा कायद्यांतर्गत ही कारवाई करत संबंधित २ महिलांना अटक केली आहे.

🚨 Indonesia: Two women arrested for taking an oath by stepping on the Quran. Reports say they could face up to 5 years in prison.

⚖️ Indonesia acts swiftly when the religious sentiments of its majority are hurt.

🇮🇳 Meanwhile in India, repeated insults to the religious beliefs… pic.twitter.com/SmIdjaN1ZM

— Sanatan Prabhat (@SanatanPrabhat) April 15, 2026

पोलिसांनी दिलेल्या माहितीनुसार ८ एप्रिलला सौंदर्य प्रसाधनगृहाच्या मालकिणीने एका महिला ग्राहकावर चोरीचा आरोप लावला. तिला निष्पापपणा सिद्ध करण्यासाठी कुराणवर पाय ठेवून शपथ घेण्यास सांगितले. या वेळी त्या महिलेने तसे केलेही. मालकिणीने या संपूर्ण घटनेचा व्हिडिओ बनवला. तो सामाजिक माध्यमांत प्रसारित झाल्यानंतर इंडोनेशियामध्ये लोकांना संताप अनावर झाला. पोलिसांनी सांगितले की, दोन्ही महिलांनी आपला गुन्हा स्वीकारला असून ईशनिंदा कायद्यानुसार जर त्या दोषी आढळल्या, तर त्यांना ५ वर्षांपर्यंतचा कारावास होऊ शकतो.