Naxalite Rupi Encounter : कांकेर (छत्तीसगड) येथे ५ लाख रुपयांचे बक्षीस असलेली महिला नक्षल कमांडर चकमकीत ठार

कांकेर (छत्तीसगड) – कांकेर जिल्ह्यात सुरक्षादलांनी ५ लाख रुपयांचे बक्षीस असलेली महिला नक्षलवादी रूपी ही चकमकीत ठार झाली. रूपी माओवादी संघटनेच्या प्रादेशिक समितीची सदस्या होती, तसेच ती छत्तीसगडमधील बस्तर परिसरात सक्रीय असलेली शेवटची वरिष्ठ तेलुगु नक्षलवादी होती. रूपी दंडकारण्य विशेष प्रादेशिक समितीचे सदस्य विजय रेड्डी याची ती पत्नी होती. विजय रेड्डी याला मागील वर्षी चकमकीत ठार मारण्यात आले होते. केंद्र सरकारने ३१ मार्च या दिवशी छत्तीसगडला नक्षलमुक्त घोषित केल्यानंतर १२ दिवसांत ही घटना घडली.