Gujarat Riots 2002 : वर्ष २००२ मधील गुजरात दंगलीतील ९ हिंदूंची निर्दोष मुक्तता  

कर्णावती (गुजरात) – वर्ष २००२ मधील गुजरात दंगलींशी संबंधित एका महत्त्वाच्या प्रकरणात येथील स्थानिक न्यायालयाने ९ हिंदूंना निर्दोष मुक्त केले. या व्यक्तींवर दंगल करणे, अवैधरित्या जमाव जमवणे आणि दगडफेक करणे, असे आरोप होते. न्यायालयाने निर्णयात नमूद केले की, ‘आरोपींवरील आरोप सिद्ध करण्यात पोलीस अपयशी ठरले.’ ९ मे २००२ या दिवशी येथील माधवपुरा परिसरात दगडफेक आणि दंगल केल्याच्या आरोपावरून पोलिसांनी एकूण ११ हिंदूंविरुद्ध गुन्हा नोंदवला होता.

आरोप असलेल्या ११ व्यक्तींमधील २ जणांचा पूर्वीच मृत्यू झाला होता. न्यायालयात सादर झालेले ४ साक्षीदार २३ वर्षांनंतर आरोपींची ओळख पटवू शकले नाहीत. या परिस्थितीचा विचार करून अतिरिक्त मुख्य न्यायिक दंडाधिकारी डी.जे. परमार यांनी उर्वरित ९ आरोपींना निर्दोष मुक्त केले.