Manipur Violence : मणीपूरमध्ये बाँबस्फोटात २ मुलांचा मृत्यू

इंफाळ (मणीपूर) – काही आतंकवाद्यांनी बिष्णुपूर जिल्ह्यातील मोइरांग ट्रोंगलाओबी येथे एका घरावर फेकलेल्या बाँबच्या स्फोटात ५ वर्षांचा मुलगा आणि ६ महिन्यांची मुलगी यांचा मृत्यू झाला, तर त्यांची आई घायाळ झाली. या घटनेच्या निषेधार्थ स्थानिकांनी येथे हिंसक आंदोलन केले. त्यांनी एका पेट्रोल पंपाजवळील तेलाचे २ टँकर आणि एक ट्रक यांना आग लावली. तसेच मोइरांग पोलीस ठाण्यासमोर टायर जाळले आणि एका पोलीस चौकीची तोडफोड केली. परिस्थिती नियंत्रणात आणण्यासाठी परिसरात सुरक्षादल तैनात करण्यात आले आहे.