प्रार्थितो आम्ही श्री हनुमंताला ।

‘रामनाथी (गोवा) येथील सनातनच्या आश्रमात ग्रंथांच्या संदर्भातील सेवा करतांना मला पुढील कविता सुचली.

हृदयी भक्ती, बाहूंत शक्ती ।
तीक्ष्ण बुद्धी, अतुलनीय गती ।। १ ।।

अमोघ वाणी, गुणांच्या खाणी ।
सर्वश्री (टीप १) असूनही नम्रतेत जो शिरोमणी ।। २ ।।

श्रीरामाच्या त्या आदर्श सेवकाला ।
प्रार्थितो आम्ही श्री हनुमंताला ।। ३ ।।

संदेश श्री गुरुदेवांचा (टीप २)।
विचार सनातन हिंदु राष्ट्राचा ।। ४ ।।

जनमानसात शीघ्रातिशीघ्र पोचवायला ।
साधनामार्ग ग्रंथसेवेचा (टीप ३) लाभला ।। ५ ।।

त्या मार्गावरून चालायला ।
शक्ती-बुद्धी-भक्ती द्यावी आम्हाला ।। ६ ।।

साधनेने सुगंधी होऊन ही जीवनरूपी पुष्पमाला ।
अर्पण व्हावी अमुच्या श्रीरामाला ।। ७ ।।

टीप १ – शक्ती, सिद्धी इत्यादी दैवी संपन्नता

टीप २ – सच्चिदानंद परब्रह्म डॉ. आठवले यांचा

टीप ३ – सनातनच्या ग्रंथांच्या संकलनाची सेवा’

– श्री. रूपेश लक्ष्मण रेडकर, देवद, पनवेल. (३०.३.२०२६)