अकोला येथे हनुमान जयंतीच्या दिवशी वानरसेनेची महाप्रसादाची पंगत !

२० वर्षांपासूनची परंपरा !

अकोला – येथील कोथळी बुद्रूक येथे हनुमान जयंतीच्या दिवशी वानरसेनेने एका रांगेत पंगतीप्रमाणे बसून स्टीलच्या ताटातील प्रसाद ग्रहण केला. येथील मुंगसाजी महाराज संस्थानमध्ये हनुमानाच्या जन्मोत्सवाचे मोठ्या प्रमाणात आयोजन करण्यात आले होते. यानिमित्त भाविकांसाठी महाप्रसाद ठेवला होता.

वानरांसाठीही महाप्रसाद वाढण्यात आला. वानरांनी शिस्तबद्धरित्या महाप्रसाद घेतला.

गेल्या २० वर्षांपासून येथे ही परंपरा जोपासली जात आहे. या पंगतीत वानरांसाठी चणे, सोयाबीन आणि विविध मिष्टान्न पदार्थ वाढले जातात.