सनातन प्रभात > Post Type > बातम्या > आंतरराष्ट्रीय बातम्या > KP Sharma Oli Arrest : नेपाळचे माजी पंतप्रधान केपी शर्मा ओली यांना अटक !

KP Sharma Oli Arrest : नेपाळचे माजी पंतप्रधान केपी शर्मा ओली यांना अटक !

पंतप्रधानपदाची सूत्रे हाती घेताच बालेन शाह यांची धडक कारवाई !

नेपाळचे माजी पंतप्रधान केपी शर्मा ओली

काठमांडू (नेपाळ) – नेपाळमध्ये ३५ वर्षीय ‘रॅपर’ (आधुनिक प्रकारचे संगीत सादर करणारा) बालेन शाह यांनी पंतप्रधानपदाची सूत्रे हाती घेताच धडक कारवाई करत माजी पंतप्रधान केपी शर्मा ओली यांना २८ मार्चला पहाटे त्यांच्या निवासस्थानाहून अटक केली. नेपाळमध्ये सप्टेंबर २०२५ मध्ये झालेल्या ‘जेन झी’ (जनरेशन झेड – वर्ष १९९६ ते वर्ष २०१० या कालावधीत जन्मलेली पिढी) आंदोलनात अनेक नागरिकांच्या झालेल्या मृत्यूच्या प्रकरणी ही कारवाई करण्यात आल्याचे सांगितले जात आहे. याच प्रकरणात नेपाळचे माजी गृहमंत्री रमेश लेखक यांनाही पोलिसांनी कह्यात घेतले आहे.

नेपाळचे नवनिर्वाचित पंतप्रधान बालेन शाह

काय होते‘जेन झी’ आंदोलन ?

तत्कालीन ओली सरकारने फेसबुक, व्हॉट्सॲप, इंस्टाग्राम, यूट्युब यांसारख्या एकूण २६ सामाजिक माध्यमांवर बंदी घातली होती. या बंदीच्या विरोधात सप्टेंबर २०२५ मध्ये नेपाळमधील तरुणांनी ओली सरकारविरुद्ध प्रचंड मोठे आंदोलन केले. यालाच ‘जेन झी’ आंदोलन असे नाव देण्यात आले. डिजिटल स्वातंत्र्यासाठी चालू झालेली ही चळवळ एका व्यापक शासनविरोधी आंदोलनात रूपांतरित झाली. या आंदोलनात अनेक आंदोलक संसद भवनातही घुसले होते. त्यानंतर झालेल्या हिंसाचारात अनेकांचा जीव गेला, तर २ सहस्रांहून अधिक लोक घायाळ झाले. यानंतर तत्कालीन ओली सरकारने माघार घेत सामाजिक माध्यमांवरी बंदी मागे घेतली होती.

नूतन लेख