आतंकवादविरोधी पथकाने आणखी ४०० बांगलादेशी घुसखोरांची नावे अन्न आणि नागरी पुरवठा विभागाला पाठवली !

यापूर्वीच्या १ सहस्र २३७ घुसखोरांपैकी किती नावे शिधापत्रिकेत आहेत, याची माहिती नाही !

मुंबई, १८ मार्च (वार्ता.) – महाराष्ट्र आतंकवादविरोधी पथकाने आणखी ४०० बांगलादेशी घुसखोरांच्या नावांची सूची अन्न आणि नागरी पुरवठा विभागाला पाठवली आहे. या घुसखोरांची नावे शिधापत्रिकेवर आहेत का, याची पडताळणी करून असल्यास ती वगळण्यात यावीत, यासाठी ही नावे विभागाला पाठवण्यात आली आहेत.

आतंकवादविरोधी पथकाने मे २०२५ मध्ये १ सहस्र २३७ बांगलादेशी घुसखोरांची नावे अन्न आणि नागरी पुरवठा विभागाकडे पाठवली आहेत; परंतु त्यामधील किती नावे शिधापत्रिकेत आहेत. असल्यास ती वगळली का ? याविषयी राज्यातील एकाही जिल्ह्यातून माहिती अद्याप विभागाला माहिती देण्यात आलेली नाही.