Iftar Party Controversy : मुसलमानांनी गंगानदीत विहार करणार्‍या नौकेत इफ्तार मेजवानी करून हाडे नदीत फेकली

१४ मुसलमानांना अटक

वाराणसी (उत्तरप्रदेश) – येथे गंगानदीत विहार करणार्‍या नौकेत इफ्तारची मेजवानी आयोजित करण्यात आली होती. यात मांसाहारी पदार्थांचे सेवन करण्यात आले आणि शिल्लक भाग ज्यात हाडांचाही समावेश होता, तो नदीत फेकण्यात आला. या घटनेचा व्हिडिओ सामाजिक माध्यमांवर प्रसारित झाल्यानंतर संताप व्यक्त होऊ लागला. या प्रकरणात भारतीय जनता युवा मोर्चाचे महानगर अध्यक्ष रजत जायसवाल यांनी कोतवाली पोलीस ठाण्यात धार्मिक भावना दुखावल्याची तक्रार नोंदवली. यानंतर पोलिसांनी अन्वेषण करून १४ मुसलमान तरुणांना अटक केली.

🚨 Ganga Incident Sparks Outrage

Iftar Party held on a boat in the Ganga; allegations of bones being thrown into the river – 14 arrested.

If people can act so brazenly in a sacred river, does it reflect a lack of fear of the law or consequences?

Acts that hurt religious… pic.twitter.com/4pfjgEyk38

— Sanatan Prabhat (@SanatanPrabhat) March 18, 2026

या घटनेवर वाराणसी महानगरपालिकेनेही तीव्र आक्षेप नोंदवला. महानगरपालिकेच्या जनसंपर्क अधिकार्‍यांनी ही कृती अत्यंत आक्षेपार्ह असल्याचे सांगितले. ‘गंगानदीची शुचिता आणि पावित्र्य राखण्यासाठी महानगरपालिकेच्या नियमांमध्ये स्पष्ट मार्गदर्शक तत्त्वे आहेत. या नियमांनुसार घाटांवर किंवा नदीच्या मध्यभागी कोणतीही कृती करतांना धार्मिक भावना आणि स्वच्छतेचे निकष लक्षात घेणे आवश्यक आहे’, असे म्हटले आहे. भविष्यात अशा घटना टाळण्यासाठी देखरेख आणि नियम अधिक कठोर केले जातील, जेणेकरून गंगानदीचे पावित्र्य आणि श्रद्धा यांना कोणतीही हानी पोचू नये’, असे प्रशासनाने म्हटले आहे.