नाशिकमध्ये ३ सहस्र ९५४ कोटी रुपयांच्या पायाभूत प्रकल्पांना गती !

(रिंगरोड म्हणजे शहराभोवती वर्तुळाकार पद्धतीने बांधलेला रस्ता)

नाशिक – येथे होणार्‍या सिंहस्थ कुंभपर्व २०२७ साठी शहरातील पायाभूत प्रकल्पांना गती आली आहे. ६९.१५ किलोमीटर लांबीच्या ‘नाशिक रिंगरोड’च्या नागरी बांधकामासाठी ३ सहस्र ९५४ कोटी रुपयांच्या खर्चास प्रशासकीय अनुमती देण्यात आली. विभागीय आयुक्त डॉ. प्रवीण गेडाम यांच्या अध्यक्षतेखाली झालेल्या बैठकीत हा निर्णय घेण्यात आला. या प्रकल्पामुळे शहरातील वाहतूककोंडी न्यून होऊन सिंहस्थ कुंभपर्वाच्या कालावधीत वाहतूक सुलभ होण्यास साहाय्य्य होईल.

१. प्रस्तावित रिंगरोड ‘डी.आर्.डी.ओ. जंक्शन’पासून चालू होऊन शहराला वळसा घालून पुन्हा त्याच महामार्गाला जोडला जाणार आहे. हा ४ ते ६ पदरी मार्ग असून त्यात ५ मोठे पूल, २ रेल्वे उड्डाणपूल, ८ वाहन भुयारी रस्ते असतील.

२. यात्रेकरू सुविधा आणि पायाभूत सुविधा यांसाठी १९० कोटी रुपयांहून अधिक निधी संमत करण्यात आला आहे. नाशिक येथील रामकुंड आणि त्र्यंबकेश्वर येथील कुशावर्त तीर्थ येथे ध्वजस्तंभ उभारण्यासाठी, तसेच ब्रह्मगिरी पर्वतावरील प्रदक्षिणा मार्ग विकास आणि अंजनेरी येथे ‘इको-टुरिझम’ (पर्यावरणपूरक पर्यटन) प्रकल्प यांसह अन्यही प्रकल्पांसाठीासाठी निधी देण्यात आला आहे.