जळगाव येथे ७ मार्चला ‘नारी सामर्थ्याची नवी पहाट’ कार्यक्रम !

रणरागिणींना उपस्थित रहाण्याचे आवाहन

जळगाव, ४ मार्च (वार्ता.) – हिंदु जनजागृती समिती प्रणित ‘रणरागिणी’ शाखेच्या वतीने येथे ‘नारी सामर्थ्याची नवी पहाट’ या विशेष कार्यक्रमाचे आयोजन ७ मार्च या दिवशी करण्यात आले आहे. महिलांनी स्वसंरक्षण आणि आपल्या संस्कृतीप्रती जागृत व्हावे, या उद्देशाने आयोजित या कार्यक्रमाला जळगावमधील अधिकाधिक रणरागिणींनी उपस्थित रहावे, असे आवाहन समितीच्या वतीने करण्यात आले आहे.

🌸 ‘A New Dawn of Women’s Power’ Program in Jalgaon – March 7

Mayor Mrs. Deepmala Kale (@DeepmalaMKale) has been invited to grace the occasion.

Organised by Ranaragini, branch of @HinduJagrutiOrg, on the occasion of #WomensDay

Program Highlights:
⚔️ Expert guidance on various… pic.twitter.com/gGr0IRXO9J

— Sanatan Prabhat (@SanatanPrabhat) March 4, 2026

या कार्यक्रमाला प्रमुख मार्गदर्शक म्हणून भारतीय सैन्यात देशसेवा बजावलेल्या मेजर मैत्रेयी दांडेकर (निवृत्त) आणि ‘आयर्नमॅन’ माहेश्‍वरी सरनोबत उपस्थित रहाणार आहेत. त्यांच्या अनुभवांतून जळगाव येथील महिलांना नक्कीच प्रेरणा मिळेल !

ही आहेत कार्यक्रमाची मुख्य आकर्षणे !

• महिलांच्या सक्षमीकरणासाठी विविध विषयांवर मार्गदर्शन !

• स्वसंरक्षण कलेचे प्रत्यक्ष दर्शन !

• भारतीय शौर्यगाथा आणि संस्कृतीचा वारसा दर्शवणारे भव्य प्रदर्शन !

महापौर सौ. दीपमाला काळे यांना निमंत्रण ! या कार्यक्रमाचे निमंत्रण जळगावच्या महापौर सौ. दीपमाळा काळे यांनाही देण्यात आले. त्या म्हणाल्या, ‘‘पुष्कळ चांगले आयोजन आहे. मी कार्यक्रमाला अवश्य येईन.’’