Vande Bharat : प.पू. सरसंघचालक प्रवास करत असलेल्या वन्दे भारत रेल्वे गाडीवर दगडफेक

मेरठ (उत्तरप्रदेश) – उत्तरप्रदेशाच्या दौर्‍यावर असणारे प.पू. सरसंघचालक डॉ. मोहनजी भागवत ज्या ‘वन्दे भारत एक्सप्रेस’ने मेरठला पोचले, तिच्यावर हरदोई येथे दगडफेक करण्यात आली. दगडफेकीमुळे गाडीची एका खिडकीची काच फुटली. ही घटना १९ फेब्रुवारीच्या दुपारी घडली. रेल्वे पोलीस घटनेचे अन्वेषण करत आहेत. त्यांच्यामते काही मुले रुळाजवळ क्रिकेट खेळत होती. त्यांच्याकडून चेंडू लागल्याने असे घडले असेल किंवा एखाद्या खोडकर मुलाने गाडीवर दगडफेक केली असेल.
ज्या डब्यात प.पू. सरसंघचालक होते, त्याच्या एक डबा पुढे असणार्‍या डब्यावर दगडफेक झाली होती. नंतर सुरक्षा कर्मचार्‍यांनी प.पू. सरसंघचालकांचा डबा पालटला.