Over Chagos Islands : मॉरिशसच्या चागोस द्वीपसमूहावर मालदीवचा दावा !

अमेरिकेला नौदल तळ उभारण्याचा दिला प्रस्ताव

माले (मालदीव) – मालदीवचे राष्ट्राध्यक्ष महंमद मुइज्जू यांनी अमेरिकेला ‘चागोस द्वीपसमूह मालदीवकडे सोपवण्यात आल्यास अमेरिका डिएगो गार्सिया येथील तिचा नौदल तळ चालू ठेवू शकतो’, असा प्रस्ताव दिला आहे. विशेष म्हणजे हा द्वीपसमूह मॉरिशसचा असून ब्रिटनने वर्ष २०२४ मध्ये या द्वीपसमूहावरील मॉरिशसची सार्वभौमता मान्य केली होती. मागील महिन्यात अमेरिकेचे राष्ट्राध्यक्ष ट्रम्प यांनी चागोस द्वीपसमूहाबाबत मॉरिशसशी करार केल्यावरून ब्रिटनवर तीव्र शब्दांत टीका केली होती.

मॉरिशसने स्पष्ट केले आहे की, तो या द्वीपसमूहावरील सार्वभौम हक्क सोडणार नाही. सध्या डिएगो गार्सिया ब्रिटनच्या नियंत्रणाखाली असून मागील वर्षी झालेल्या करारानुसार ते मॉरिशसकडे हस्तांतरित करण्यात येणार आहे.