नोकरी-व्यवसाय करणार्‍या महिलांची वेश्यांशी केली तुलना ! – Ameer Shafiqur Rahman, Bangladesh Jamaat chief

ढाका (बांगलादेश) – आधुनिकतेच्या नावाखाली महिलांना सार्वजनिक जीवनात ढकलले जाते, म्हणजेच त्यांना काम करण्यास भाग पाडले जाते. त्यामुळे त्यांचे शोषण होते आणि समाजाचे नैतिक अधःपतन घडते, उदाहरणार्थ वेश्याव्यवसाय, असा महिलांचा अवमान करणारा असंवेदनशील मजकूर कट्टर राजकीय पक्ष असलेल्या ‘जमात-ए-इस्लामी’चे प्रमुख शफीकुर रहमान यांनी सामाजिक माध्यमांद्वारे प्रसारित केला होता. या माध्यमातून त्यांनी एकप्रकारे ‘नोकरी-व्यवसाय करणार्‍या सर्वच महिला वेश्या आहेत’, असे सुचवायचे होते. या वक्तव्यास तीव्र विरोध होऊ लागल्यावर त्यांनी तो मजकूर हटवला. बांगलादेशामध्ये १० दिवसांनंतर सार्वत्रिक निवडणूक होणार असतांना असा मजकूर प्रसारित झाल्याने यास अधिकच विरोध होत आहे.

⚠️Bangladesh: Jam@at-e-I$l@mi chief Shafiqur Rahman compares working women to pro$t!tvtes.

The misogynistic post was deleted after widespread outrage.

It is hardly surprising that an extremist outfit like Jam@at-e-I$l@mi would circulate such ant!-women content. If this party… pic.twitter.com/c2chj389yN

— Sanatan Prabhat (@SanatanPrabhat) February 3, 2026

आता ही वादग्रस्त पोस्ट हटवून सारवासारव करण्याचा प्रयत्न चालू आहे. ‘जमात-ए-इस्लामी’ पक्षाने खाते ‘हॅक’ (दुसर्‍या अयोग्य शक्तींकडून नियंत्रित) झाल्याचा दावा आता करण्यात येत आहे. मजकूर हटवण्यापूर्वीच तो लाखो लोकांपर्यंत पोचला होता. ‘जमात-ए-इस्लामी’चे साहाय्यक सरचिटणीस आणि माध्यम प्रमुख अधिवक्ता अहसानुल महबूब जुबैर याने सांगितले की, सायबर आक्रमणकर्त्यांनी काही काळ खात्यावर नियंत्रण मिळवले होते. ती भूमिका रहमान यांच्या किंवा पक्षाच्या भूमिकेचे प्रतिबिंब नसल्याचे त्यांनी स्पष्ट केले.