(म्हणे) ‘विदेशात मी माझ्या देशाविरुद्ध बोलणार नाही !’ – D K Shivakumar

कर्नाटकाचे उपमुख्यमंत्री डी.के. शिवकुमार यांचे वक्तव्य

बेंगळुरू (कर्नाटक) – ‘दुसर्‍या देशात जाऊन मी माझ्या देशाविरुद्ध बोलणार नाही’, असे कर्नाटकाचे उपमुख्यमंत्री डी.के. शिवकुमार यांनी म्हटले आहे. ‘राहुल गांधी भारताची अर्थव्यवस्था ठीक नाही’, असे म्हणत असतांना तुम्ही भारताचे कौतुक केले आहे’, या प्रसारमाध्यमांच्या प्रश्‍नाला उत्तर देतांना ते म्हणाले की, राहुल गांधी यांनी कोणत्या परिस्थितीत आणि कोणत्या अर्थाने ते विधान केले आहे, हे मला ठाऊक नाही. त्यांनी देशाविरुद्ध विधान केलेले नाही, तर अंतर्गत व्यवस्थेविषयी भाष्य केले आहे. (अर्थव्यवस्था म्हणजे अंतर्गत व्यवस्था नाही, हे शेंबड्या पोरालाही कळेल. मूळ प्रश्‍नाला बगल देणारे काँग्रेसचे शिवकुमार यांचा निषेध करावा तेवढा थोडा ! – संपादक) ‘राजकारणासाठी मी भारताची निंदा करू शकत नाही’, असेही शिवकुमार या वेळी म्हणाले.

“I won’t speak against my country abroad,” says D. K. Shivakumar, Karnataka Dy CM.

Good – but that’s basic patriotism, not a flex

Why say it at all? And will he now advise senior leaders of his own party who routinely tarnish India’s image overseas? pic.twitter.com/YnFBAMi3nq

— Sanatan Prabhat (@SanatanPrabhat) January 26, 2026

शिवकुमार पुढे म्हणाले,

‘मला थोडाफार राजकीय अनुभव आहे, त्या आधारावर मी हे बोललो आहे. मी इतर कुठल्याही देशात जाऊन माझ्या देशाला अडथळा आणू शकत नाही. आम्ही आमच्या देशाला न्यून लेखू शकत नाही. प्रथम आम्ही भारतीय आहोत. मी देशावर प्रेम करतो आणि त्याचा आदर करतो. भारताच्या विकासात आम्हा सर्वांचे योगदान आहे.’