हिंदु जनजागृती समितीकडून निवेदने, तसेच अकोला आणि मूर्तीजापूर येथे भव्य प्रदर्शनाचे आयोजन !

मूर्तीजापूर (जिल्हा अकोला) – राष्ट्रध्वजाचा सन्मान राखण्यासाठी आणि प्लास्टिकच्या ध्वजांमुळे होणारी विटंबना रोखण्यासाठी हिंदु जनजागृती समितीच्या वतीने मूर्तीजापूर तहसीलदारांना निवेदन देण्यात आले. या वेळी समितीच्या साधिका कु. साक्षी श्रीराव, कु. आकांक्षा हजारे, कु. दीक्षा अहिरवार आणि सौ. स्मिता महामुने उपस्थित होत्या. अकोला येथेही जिल्हा प्रशासन आणि पोलीस अधीक्षक यांना निवेदने देण्यात आली आहेत. स्थानिक शाळांमधील शिक्षकांची भेट घेऊन प्रबोधनाची अनुमती मागण्यात आली.

प्रजासत्ताक दिनानिमित्त क्रांतीकारकांचा इतिहास लोकांपर्यंत पोचवण्यासाठी समितीच्या वतीने अकोला आणि मूर्तीजापूर येथे भव्य प्रदर्शन आयोजित करण्यात आले आहे.

अकोला शहर आणि जिल्ह्यातील सर्व राष्ट्रप्रेमी नागरिकांनी या प्रदर्शनांचा लाभ घेऊन राष्ट्रध्वजाचा सन्मान राखण्याच्या या मोहिमेत बहुसंख्येने सहभागी व्हावे, असे आवाहन हिंदु जनजागृती समितीच्या वतीने करण्यात आले आहे.