कुडाळ शहरात (जिल्हा सिंधुदुर्ग) मोकाट गुरे पकडण्याची मोहीम राबवणार

कुडाळ – शहर आणि शहराजवळचा परिसर येथे मोकाट गुरे फिरत असल्याने वाहतुकीस अडथळा निर्माण होतो, तसेच नागरिकांना लहान-मोठ्या अपघातांना सामोरे जावे लागते. मोकाट गुरांमुळे नागरिकांना त्रास होत असल्याच्या तक्रारी वाढल्या आहेत. या पार्श्वभूमीवर कुडाळ नगरपंचायतीच्या वतीने २२ जानेवारीपासून शहरात मोकाट गुरे पकडण्याची विशेष मोहीम राबवण्यात येणार आहे, अशी माहिती नगरपंचायत प्रशासनाने दिली. पकडण्यात येणार्‍या मोकाट गुरांना सरसोलीधाम येथील गोशाळेत ठेवण्यात येणार आहे.