ग्राहकांचे पार्सल हडप करून आर्थिक अपहार करणार्‍या ११ पार्सल विक्रेत्यांविरोधात कारवाई !

‘इन्स्टाकार्ट’ आस्थापनाकडून तक्रार प्रविष्ट !

नागपूर – ग्राहकांचे पार्सल हडप करून २२ लाख ३४ सहस्र ९६३ रुपयांचा अपहार करणार्‍या ‘इन्स्टाकार्ट’ आस्थापनाने ११ पार्सल विक्रेत्यांच्या विरोधात तक्रार दिली. त्यानंतर कुणाल गोंडे, श्रेयस मेश्राम, साहील ईश्वर मेश्राम आणि इतर ८ आरोपींविरोधात गुन्हा नोंदवण्यात आला. आरोपींनी संगनमत करून पार्सल, महागडे भ्रमणभाष आणि इतर साहित्य ग्राहकांना न पोचवता, तसेच कार्यालयात परत न करता स्वतःचा आर्थिक लाभ करून घेतला. इन्स्टाकार्ट आस्थापनाच्या अधिकार्‍यांच्या लेखा परीक्षणात हा गैरव्यवहार उघडकीस आला.