अज्ञात आक्रमणकर्त्यांच्या गोळीबारात पाकचे ५ पोलीस ठार

पेशावर (पेशावर) – पाकिस्तानच्या खैबर पख्तूनख्वा प्रांतातील करक जिल्ह्यात अज्ञात आक्रमणकर्त्यांनी पोलीस वाहनावर केलेल्या आक्रमणात वाहनातील सर्व ५ पोलीस ठार झाले. हे पोलीस येथे गस्त घालत असतांना हे आक्रमण करण्यात आले. या आक्रमणाचे दायित्व अद्याप कोणत्याच संघटनेने घेतलेले नाही. पोलीस आक्रमणकर्त्यांचा शोध घेत आहेत.

पाकिस्तानी सरकारच्या मते, सुरक्षादलांवरील ही आक्रमणे तेहरीक-ए-तालिबान पाकिस्तान या संघटनेकडून केली जात आहेत. विशेषतः अफगाणिस्तानला लागून असलेल्या सीमाभागांत सातत्याने आक्रमणे होत असल्याचे सांगण्यात आले आहे.