सनातन प्रभात > Post Type > बातम्या > राष्ट्रीय बातम्या > (म्हणे) ‘आदिवासी समाजाला हिंदु धर्मापासून वेगळे करून स्वतंत्र धर्माचा दर्जा द्यावा !’ – Gowaal Kagada Padavi

(म्हणे) ‘आदिवासी समाजाला हिंदु धर्मापासून वेगळे करून स्वतंत्र धर्माचा दर्जा द्यावा !’ – Gowaal Kagada Padavi

काँग्रेसचे खासदार गोवाल कागडा पडवी यांची लोकसभेत हिंदुद्वेषी मागणी !

काँग्रेसचे खासदार गोवाल कागडा पडवी

नवी देहली – महाराष्ट्रातील नंदुरबार येथील काँग्रेसचे खासदार गोवाल कागडा पडवी यांनी लोकसभेत भाषण करतांना आदिवासी समाजाला हिंदु धर्मापासून वेगळे करून  त्यांना स्वतंत्र धर्माचा दर्जा देण्याची मागणी केली. त्यांचा दावा होता की, वर्ष १९३१ मध्ये ब्रिटिशांनी केलेल्या जनगणनेत आदिवासींना स्वतंत्र गटात मोजण्यात आले होते आणि त्यांची संस्कृती कोणत्याही स्थिर धर्मात बसत नाही. (ब्रिटिशांनी भारतात सत्ता उपभोगण्यासाठी ‘फोडा आणि राज्य करा’ या नीतीचा अवलंब करून हिंदूंमध्ये फूट पाडण्याचा प्रयत्न केला होता. स्वातंत्र्यानंतर काँग्रेसने याच नीतीचा अवलंब करत हिंदूंना संघटित होऊ दिले नाही, हेच यातून स्पष्ट होते ! – संपादक)

१. पडवी यांच्या मतानुसार ‘स्वतंत्र धर्म’ म्हणून आदिवासींना ओळख मिळाल्यास  समाजाची सांस्कृतिक ओळख सुरक्षित राहील आणि त्यांच्या परंपरांचे संरक्षण होईल.

२. हे विधान समोर आल्यानंतर सामाजिक माध्यमांवर तीव्र प्रतिक्रिया उमटल्या. अनेकांनी दाखले देत सांगितले की, आदिवासी परंपरा शतकानुशतके हिंदु धर्माशी जोडलेल्या आहेत आणि निसर्गपूजा ही हिंदु परंपरेचा मूलाधार आहे.

३. या वादाच्या पार्श्वभूमीवर भाजप नेत्यांनी सांगितले की, काँग्रेसचे हे विधान समाजात फूट पाडणारे असून राष्ट्राच्या एकात्मतेविरुद्ध आहे.

नूतन लेख