‘सनातन राष्ट्र शंखनाद महोत्सवा’च्या माध्यमातून सनातन परंपरा मजबूत करण्याचे कार्य होणार ! – वैभव डांगे, ‘बोर्ड ऑफ गव्हर्नर्स’चे सदस्य आणि नागपूरच्या ‘आय.आय.एम्.’च्या बांधकाम समितीचे अध्यक्ष

सनातन राष्ट्र शंखनाद महोत्सव आणि शस्त्रास्त्र प्रदर्शनातून होणार गौरवशाली इतिहासाचे दर्शन !

देहली – सनातन संस्था आयोजित ‘सनातन राष्ट्र शंखनाद महोत्सव’ येत्या १३, १४ आणि १५ डिसेंबर या दिवशी भारत मंडपम्, प्रगती मैदान, नवी देहली येथे आयोजित करण्यात आला आहे. या महोत्सवाच्या माध्यमातून आपली सनातन परंपरा आणि संस्कृती समाजात पुन्हा एकदा सुदृढ आणि मजबूत करण्याचे, तसेच आपल्या परंपरांचे बीज नव्या पिढ्यांमध्ये रोवण्याचे कार्य केले जाईल. हा ‘शंखनाद महोत्सव’ यासाठी अत्यंत प्रभावी ठरणार आहे, असे मत पायाभूत सुविधा आणि प्रशासकीय व्यवस्थापनाचे धोरणतज्ञ, तसेच  ‘बोर्ड ऑफ गव्हर्नर्स’चे सदस्य आणि नागपूरच्या आय.आय.एम्.च्या बांधकाम समितीचे अध्यक्ष श्री. वैभव डांगे यांनी व्यक्त केले. श्री. डांगे यांनी सनातन संस्था आणि त्यांच्या संपूर्ण समूहाचे राष्ट्र आणि धर्मजागृतीपर आयोजनासाठी मनःपूर्वक अभिनंदन केले, तसेच ‘सर्वांनी या महोत्सवात अवश्य सहभागी व्हावे’, असे आवाहनही केले.

देहलीतील ‘सरयु ट्रस्ट’चे संस्थापक श्री. राहुल दिवाण यांनी सनातन राष्ट्र शंखनाद महोत्सवाचा लाभ घेण्याचे आवाहन एका व्हिडिओद्वारे केले आहे.