Shankhnad Mahotsav Delhi : ‘सनातन राष्ट्र शंखनाद महोत्सवा’त ‘वन्दे मातरम्’ संदर्भात भव्य प्रदर्शन

देहली, १० डिसेंबर (वार्ता.) – ‘वन्दे मातरम्’ या राष्ट्रजागृतीच्या पवित्र गीताला यंदा १५० वर्षे पूर्ण होत आहेत. त्यासह राष्ट्ररक्षण आणि धर्मजागृती यांसाठी कार्यरत असलेल्या सनातन संस्थेला २५ वर्षे पूर्ण झाली आहेत. याचा सुवर्णसंगम साधत केंद्रीय सांस्कृतिक मंत्रालयाच्या सहकार्याने भारत मंडपम् येथे १३ ते १५ डिसेंबर या कालावधीत आयोजित ‘सनातन राष्ट्र शंखनाद महोत्सवा’त भव्य ‘वन्दे मातरम्’ प्रदर्शन आणि विशेष सत्र यांचे आयोजन करण्यात आले आहे.

Grand ‘Vande Mataram’ Exhibition to be Organised at the Sanatan Rashtra Shankhnad Mahotsav, Delhi!

Celebrating 150 years of ‘Vande Mataram’ & 25 years of Sanatan Sanstha

Highlights:
🔸Mass singing by 1,000 participants
🔸Films on its origin, struggle & role in nation-building… pic.twitter.com/LrIZHTS28q

— Sanatan Prabhat (@SanatanPrabhat) December 10, 2025

या प्रदर्शनात मातृभूमीवरील प्रेम, राष्ट्रासाठीचा त्याग आणि भारतीय स्वातंत्र्यलढ्यात अनेकांनी दिलेले अमूल्य योगदान लोकांना अनुभवता येणार आहे.

‘वन्दे मातरम्’ने संपूर्ण भारताला राष्ट्रभावनेच्या सूत्रात बांधले. स्वातंत्र्यलढ्यातील प्रेरक स्मृती, त्याग, राष्ट्रासाठीचे समर्पण आणि असंख्य क्रांतीकारकांच्या हृदयातील ऊर्जा या गीताने जिवंत केल्या आहेत. ही प्रेरणा आजच्या यु‍वापिढीपर्यंत पोचवणे, हे आमचे उद्दिष्ट आहे’, असे सनातन संस्थेचे प्रवक्ते श्री. अभय वर्तक यांनी सांगितले.