Patanjali Ghee : पतंजलि आस्थापनाला न्यायालयाने ठोठावला १ लाख रुपयांचा दंड

गायीचे तूप खाण्यायोग्य नसल्याचे प्रकरण

पिथौरगड (उत्तराखंड) – येथील न्यायालयाने पतंजलीच्या गायीचे तूप तपासणीमध्ये खाण्यायोग्य नसल्याचे आढळल्याने पतंजलीला १ लाख रुपये, तर वितरक आणि विक्रेता यांना ४० सहस्र रुपयांचा दंड ठोठावला. ही कारवाई अन्न सुरक्षा विभागाने नोंदवलेल्या खटल्याच्या सुनावणीनंतर करण्यात आली आहे. २० ऑक्टोबर २०२० या दिवशी या तुपाचे नमुने घेण्यात आले होते.

अन्न सुरक्षा आणि औषध प्रशासनाचे पिथौरागढचे साहाय्यक आयुक्त आर्.के. शर्मा यांनी सांगितले की, तूप खाण्यायोग्य राहिले नव्हते. जर कुणी हे तूप खाल्ले असते, तर त्याचे दुष्परिणाम होऊ शकले असते. लोक आजारी पडण्याची शक्यता होती.