जावो प्रत्येक क्षण गुरुसेवेत ।

अपेक्षित जे देवा (टीप) तुला ।
घडावे मम जीवनात ।
प्रारब्ध भोग भोगतांना ।
जावो प्रत्येक क्षण गुरुसेवेत ।। १ ।।

नको मला ती लौकिकता ।
नको रहाणे प्रसिद्धीत ।।
लाभो सुबुद्धी अशी ।
सदैव ठेव मज नामस्मरणात ।। २ ।।

माझ्याकडून झालेल्या चुकांची ।
यापुढे असे मला खंत ।
रडणे आता पुरे झाले ।
जगावे निश्चिंत साधनेत ।। ३ ।।

जिवा-शिवाचे मीलन ।
मला नसे काही ज्ञात ।
इतुकेच ठावे मला ।
तवचरणी रहावे शरणागत ।। ४ ।।

टीप – देवा म्हणजे सच्चिदानंद परब्रह्म डॉ. आठवले

– श्री. दीपक रामचंद्र छत्रे, रायंगिणी, बांदोडा, फोंडा, गोवा. (३०.१०.२०२५)

या अंकात प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक