बुलढाणा येथील शाळेतील मद्यपी मुख्याध्यापकांचा शाळेच्या आवारात धिंगाणा !

बुलढाणा – येथील मेहकर पंचायत समिती अंतर्गत येणार्‍या मोहना बुद्रुक येथील जिल्हा परिषद शाळेतील मुख्याध्यापक धम्मसागर कांबळे यांनी दारूच्या नशेत शाळेच्या आवारातच धिंगाणा घातला. या वेळी प्रार्थना चालू असल्याने शाळेत सर्व विद्यार्थी आणि शिक्षक उपस्थित होते. ग्रामस्थांनी या प्रकाराचा निषेध केला असून ‘शिक्षण विभागाने मुख्याध्यापकांवर तातडीने कारवाई करावी’, अशी मागणी केली आहे. (अशी मागणी का करावी लागते ? शिक्षण विभाग स्वतःहून कारवाई का करत नाही ? – संपादक)