No Namaskar : दिवाळीच्या शुभेच्छा देतांना ‘नमस्कार’ म्हणणार्‍या न्यूझीलंडच्या यू ट्यूबरला धर्मांध मुसलमानाने ‘सलाम वालेकुम’ म्हणायला लावले !

(यू ट्यूबर : स्वतःच्या यू ट्यूब वाहिनीद्वारे व्हिडिओ प्रसारित करणारी व्यक्ती)

देहली – भारतात आलेला एक विदेशी ‘यू ट्यूबर’ येथील मोहमदीन रस्त्यावरील लोकांना उत्साहाने दिवाळीच्या शुभेच्छा देत ‘नमस्कार’ म्हणत असतांना एका संतप्त मुसलमानाने त्याला ‘सलाम वालेकुम’ असे म्हणायला लावले.

🔥 Shocking Intolerance! 😡

A New Zealand YouTuber wished everyone #Diwali with a simple ‘Namaskar’, but was forced to switch to ‘Salam Walekum’ by a fundamentalist!

Is this India or Pakistan? 🤔
Why can’t a respectful Hindu greeting like ‘Namaskar’ be accepted?

This open… pic.twitter.com/wYuCNMgPkl

— Sanatan Prabhat (@SanatanPrabhat) October 27, 2025

१. न्यूझीलंड येथील हा ‘यू ट्यूबर’ सध्या भारतात आला आहे. दिवाळीच्या उत्साही वातावरणात तो दुकानांमधील लोकांना शुभेच्छा देत होता. तो एका उपाहारगृहाच्या बाहेर उभे राहून तेथील पुरुष आचार्‍यांना त्याने दिवाळी शुभेच्छा देत ‘नमस्कार’ म्हटले; परंतु यावरून संतप्त झालेल्या एका धर्मांध मुसलमानाने ‘यू ट्यूबर’ला ‘सलाम वालेकुम ! नो नमस्कार. धीस इज मोहमदीन स्ट्रीट’ (सलाम वालेकुम म्हणा ! नमस्कार नाही. हा मोहमदीन रस्ता आहे), असे सांगत त्यालाही ‘सलाम वालेकुम’ म्हणायला लावले.

२. या घटनेचा व्हिडिओ सामाजिक माध्यमांवर मोठ्या प्रमाणात प्रसारित झाला आहे. लोकांनी त्यावर प्रतिक्रियाही व्यक्त केल्या आहेत. एकाने प्रतिक्रियाही व्यक्त करतांना म्हटले की, प्रकाशाच्या उत्सवात शुभेच्छांवरून वाद घालण्याइतके ऐक्याचे रडगाणे दुसरे कोणते नाही. काही लोकांना थोडाही प्रकाश सहन होत नाही.

३. ‘सलाम वालेकुम’ म्हणणे ही काही अडचण नाही; पण त्या धर्मांध मुसलमानाने ‘नमस्कार’ म्हणण्यास ज्या पद्धतीने विरोध केला, त्यावरून असे दिसून येते की, त्याला उपचारांची पुष्कळ आवश्यकता आहे. त्याला पकडून प्रेमाने किंवा धाकाने समजावून सांगावे; कारण त्याला त्याविना समजणार नाही, असे दिसते’, असे अन्य एका व्यक्तीने लिहिले आहे, तसेच या घटनेविषयी त्याने देहलीच्या मुख्यमंत्री रेखा गुप्ता, मुख्यमंत्री कार्यालय, देहली पोलीस आणि पोलीस आयुक्त यांच्या ‘एक्स’ खात्यांना सूचित केले आहे.