मुख्यमंत्री फडणवीस येण्यापूर्वी मंचाखाली आढळला विषारी साप !

पिंपरी-चिंचवड (जिल्हा पुणे) – येथील किवळे येथील ‘सिम्बॉयसिस स्किल्स अँड प्रोफेशनल युनिव्हर्सिटी’मध्ये १६ ऑक्टोबरला सहावा दीक्षांत समारंभ पार पडणार होता. त्यासमवेतच ‘स्कूल ऑफ डिफेन्स अँड एरोस्पेस टेक्नॉलॉजी’चा उद्घाटन सोहळाही आयोजित करण्यात आला होता. या कार्यक्रमाला केंद्रीय संरक्षणमंत्री राजनाथ सिंह आणि मुख्यमंत्री देवेंद्र फडणवीस हे उपस्थित रहाणार होते. ते या कार्यक्रमातील ज्या मुख्य मंचावर उपस्थित रहाणार होते, त्याच मंचाखाली एक विषारी साप आढळल्याचा व्हिडिओ समोर आला आहे.