हेडलँड सडा, मुरगाव येथे गोशाळेचे उद्घाटन

मुरगाव – हेडलँड सडा, मुरगाव येथे मुरगावचे भाजपचे आमदार संकल्प आमोणकर यांच्या हस्ते श्री परशुराम गौभूमी संस्था गोशाळेचे उद्घाटन करण्यात आले. या वेळी आमदार संकल्प आमोणकर यांनी सपत्नीक पूजाविधी केला. गेल्या विधानसभा अधिवेशनात त्यांनी त्यांच्या वतीने गोशाळा आणि त्यांचे संरक्षण करण्यासाठी प्रत्येक तालुक्यात गोशाळा उभारण्यात याव्या, अशी मागणी सरकारकडे केली होती. मुरगावची गोप्रेमी संस्था श्री परशुराम गौभूमी संस्था मंडळ यांच्या वतीने आमदार आमोणकर यांचे आभार मानून गोशाळा उभारल्याबद्दल समाधान व्यक्त करण्यात आले. त्याचप्रमाणे संस्थेचे प्रमुख श्री. राघवेंद्र मेस्त, उपप्रमुख श्री. गजानन पाटील, खजिनदार श्री. सोनल मेस्त, श्री. दशरथ केणी, सौ. अनिता उपाध्याय, सौ. रूपा हेलवार, श्री. सुशांत पेडणेकर, संस्थेचे इतर सदस्य, तसेच विश्‍व हिंदु परिषदेचे प्रमुख संजू कोरगावकर, श्यामसुंदर नायक, यशवंत बांदेकर, परशुराम शेट्ये, विष्णु केरकर आणि इतर यांनी आभार व्यक्त केले.