तुळजापूर येथे पायी जाणार्‍या भाविकांसाठी हिंदु जनजागृती समितीच्या वतीने प्रथमोपचार कक्ष !

सोलापूर – नवरात्रोत्सवानिमित्त कोजागरी पौर्णिमेला श्री तुळजाभवानीदेवीच्या दर्शनासाठी तुळजापूरकडे पायी जाणार्‍या भक्तांची संख्या मोठ्या प्रमाणात आहे. या पार्श्वभूमीवर भाविकांच्या आरोग्य आणि सुरक्षिततेच्या दृष्टीने हिंदु जनजागृती समितीच्या वतीने उळे (तालुका-दक्षिण सोलापूर ,जिल्हा-सोलापूर) या ठिकाणी प्रथमोपचारकक्षांची उभारणी करण्यात आली.

या कक्षांमध्ये चालतांना होणार्‍या दुखापती, थकवा, चक्कर, पाय सुजणे अशा किरकोळ तक्रारींवर तात्काळ उपचार करण्यात आले. यासाठी डॉ. (कु.) सुषमा महामुनी, आरोग्यसेविका सौ. स्नेहा भोवर, तसेच प्रथमोपचार सेवक सौ. गिरीशा व्हनमारे, सौ. जयश्री कांबळे आणि सौ. रजनी श्रीगांधी हे उपस्थित होते.

भाविकांना पिण्याचे पाणी, विश्रांतीसाठी जागा आणि मार्गदर्शनाची सुविधाही उपलब्ध करून देण्यात आली, तसेच प्रशासनाने नागरिकांना आवाहन केले आहे की, पायी जातांना आरोग्याची काळजी घ्यावी आणि आवश्यकता असल्यास जवळच्या प्रथमोपचार कक्षात संपर्क साधावा.