Karnataka Congress MLA : : (म्हणे) ‘बांगलादेशाप्रमाणे पंतप्रधान मोदी यांच्या घरावरही आक्रमण होईल !’ – काँग्रेसचे आमदार जी.एस्. पाटील

कर्नाटकातील काँग्रेसचे आमदार जी.एस्. पाटील यांचे चिथावणीखोर विधान

गजेंद्रगड (कर्नाटक) – कर्नाटकाच्या राज्यपालांनी मुख्यमंत्री सिद्धरामय्या यांच्याविरुद्ध एका प्रकरणात खटला चालवण्यास अनुमती दिली आहे. यावरून काँग्रेसचे आमदार जी.एस्. पाटील संतापले आहेत. त्यांनी भाजपचे हे षड्यंत्र असल्याचे आरोप करत खेट पंतप्रधानांनाच धमकी दिली आहे. ते म्हणाले की, जर अशाच गोष्टी चालू राहिल्या, तर तो दिवस दूर नाही, जेव्हा लोक बांगलादेशाप्रमाणे पंतप्रधान मोदी यांच्या निवासस्थानावर आक्रमण करतील.

🚨Provocative remark by Karnataka Congress MLA G.S. Patil

He said: “Just like in Bangladesh, there will be an attack on PM Modi’s residence if CM Siddaramaiah’s powers are curtailed.”

Such shocking statements expose the mindset of Congress leaders. Strict investigation & legal… pic.twitter.com/TWWPzoWBst

— Sanatan Prabhat (@SanatanPrabhat) August 31, 2025

पाटील पुढे म्हणाले की, ज्यांनी बेकायदेशीरपणे प्रचंड संपत्ती जमवली आहे, त्यांना कोणतीही समस्या येत नाही; परंतु सिद्धरामय्या यांच्याविरुद्ध चौकशीला क्षुल्लक कारणासाठी अनुमती देण्यात आली आहे. (क्षुल्लक कारण असले, तरी काहीतरी घडले आहेच ना ? मुख्यमंत्री क्षमेस पात्र होतात, असे कसे म्हणणार ? – संपादक)