वर्ष २०२५ मध्ये वणी (जिल्हा यवतमाळ) आणि यवतमाळ शहर येथे साजर्‍या झालेल्या गुरुपौर्णिमा महोत्सवाच्या वेळी साधकांना आलेल्या अनुभूती !

१. सौ. मंदा पारखी, वणी, यवतमाळ.

अ. ‘१०.७.२०२५ या दिवशी गुरुपूजन चालू झाल्यावर मला प.पू. भक्तराज महाराज यांच्या प्रतिमेच्या ठिकाणी माझ्या गुरुमाऊलीचे (सच्चिदानंद परब्रह्म डॉ. आठवले यांचे) दर्शन झाले.

आ. मी डोळे मिटल्यानंतर मला व्यासपिठावर पिवळा प्रकाश दिसला.

इ. आरती चालू झाल्यावर माझा भाव जागृत होऊन माझ्या डोळ्यांतून अश्रू येऊ लागले. नंतर माझे शरीर आणि मन पुष्कळ हलके झाले. तेव्हा माझ्याकडून गुरुमाऊलीच्या चरणी कृतज्ञता व्यक्त झाली.

ई. श्री. लोभेश्वर टोंगे (वय ७१ वर्षे) यांनी ६१ टक्के आध्यात्मिक पातळी गाठली; म्हणून पू. अशोक पात्रीकर (सनातनचे ४२ वे संत, वय ७५ वर्षे) यांनी त्यांचा सत्कार केला. त्या वेळी माझा भाव जागृत झाला आणि माझ्याकडून कृतज्ञता व्यक्त झाली.’

२. सौ. विद्या राजू चंदे, वणी, यवतमाळ.

अ. ‘गुरुमाऊलींची आरती चालू झाल्यावर ‘प्रत्यक्ष गुरुमाऊली सुदर्शनचक्रावर बसून सर्व साधकांच्या सभोवताली फिरत आहेत’, असे मला जाणवले आणि माझ्या डोळ्यांतून भावाश्रू वाहू लागले.’

३. श्री. वामन मते (वय ७१ वर्षे), वणी, यवतमाळ.

अ. ‘९.७.२०२५ या दिवशी मला गुरुपौर्णिमेसाठी नियोजित असलेल्या कार्यालयात सजावट करण्याची सेवा होती. तेथे सर्व साधक संघटितभावाने सेवा करत होते. ते पाहून सेवा करतांना माझा भाव जागृत होत होता. सेवा पूर्ण होण्यासाठी रात्रीचे ११ वाजून गेले, तरी ‘विलंब झाला आहे’, असे मला जाणवले नाही.

आ. सौ. अस्वलेकाकू यांनी मला ‘गुरुपौर्णिमेच्या दिवशी तुम्हाला पू. अशोक पात्रीकरकाका यांचा सत्कार करायचा आहे’, असे सांगितले. तेव्हा ‘मी पू. पात्रीकरकाका यांचा सत्कार करणार, म्हणजे मला त्यांच्या रूपात साक्षात् प.पू. गुरुदेवांचे दर्शन होणार आहे’, असा विचार माझ्या मनात येऊन माझा भाव जागृत झाला.’

४. सौ. कीर्ती जाजडा, दिग्रस, यवतमाळ.

अ. ‘गुरुपूजनाला आरंभ झाल्यावर ‘फेटा आणि पिवळ्या रंगाचा सदरा घातलेली गुरुमाऊली आसंदीत विराजमान आहे, तसेच गुरुमाऊलीच्या मागे साक्षात् भगवान श्रीकृष्ण विराट रूपात उभा आहे’, असे मला सूक्ष्मातून दिसले. हे दृश्य पाहिल्यावर माझी भावजागृती झाली.’

५. सौ. कल्पना राऊत, यवतमाळ

अ. ‘गुरुपौर्णिमेच्या दिवशी सकाळी उठल्यावर मला सूक्ष्मातून गुरुचरण दिसले.

आ. मी नामजप करत असतांना माझ्याकडून भावजागृतीचे प्रयत्न होत होते.

इ. गुरुपौर्णिमेचा कार्यक्रम चालू झाल्यावर माझे मन निर्विचार झाले.

ई. मला दैवी कण दिसले. मला सूक्ष्मातून गुरुमाऊलीचे दर्शन झाले.

उ. ‘देवाने मला दिवसभर भावावस्थेत ठेवले’, याबद्दल माझ्याकडून पुनःपुन्हा कृतज्ञता व्यक्त होत होती.’

(सर्व सूत्रांचा दिनांक : २१.७.२०२५)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केेलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.