सनातन प्रभात > Post Type > बातम्या > आंतरराष्ट्रीय बातम्या > Terrorist Bounty Removed : अमेरिकेने बांगलादेशातील अल् कायदाच्या आतंकवाद्यावर ठेवलेले बक्षीस रहित केले !

Terrorist Bounty Removed : अमेरिकेने बांगलादेशातील अल् कायदाच्या आतंकवाद्यावर ठेवलेले बक्षीस रहित केले !

बांगलादेशी पत्रकार सल्लाउद्दीन शोएब चौधरी यांचा दावा

बांगलादेशी पत्रकार सल्लाउद्दीन शोएब चौधरी व आतंकवादी सैयद जियाउल हक झिया

ढाका (बांगलादेश) – बांगलादेशातील सैन्यातील बडतर्फ मेजर असणारा, तसेच ‘अन्सार अल इस्लाम’ या जिहादी संघटेचा प्रमुख आणि अल्-कायदाचा स्थानिक गटप्रमुख सैयद जियाउल हक झिया याच्यावर ठेवलेले ५० लाख डॉलर्सचे (४१ कोटी ५० रुपयांचे) बक्षीस अमेरिकेने रहित केल्याचा दावा बांगलादेशी पत्रकार सल्लाउद्दीन शोएब चौधरी यांनी ‘एक्स’वर पोस्ट करत केला आहे. झिया याच्यावर अमेरिकी नागरिक अभिजित रॉय यांच्या हत्येचा आणि त्यांची पत्नी रफिदा बोन्या यांना गंभीररित्या घायळ  केल्याचा आरोप आहे.

चौधरी यांनी म्हटले की, अलीकडच्या काही महिन्यांत अल-कायदाचे आतंकवादी आणि इतर इस्लामी कट्टरतावादी यांनी बांगलादेशात त्यांच्या कारवाया वाढवल्या आहेत. गेल्या आठवड्यात जियाउल हक झिया या कुप्रसिद्ध आतंकवाद्याने, जो अमेरिकेच्या परराष्ट्र खात्याच्या पसार असलेल्या लोकांच्या सूचीत आहेत, त्याने उघडपणे मणीपूर, खलिस्तान आणि काश्मीर येथील बंडखोर चळवळींची कार्यालये बांगलादेशात चालू करण्याचे आवाहन केले. मागील वर्षी झालेल्या जिहादी समर्थित सैनिकी बंडानंतर झिया गुप्तपणे पुन्हा बांगलादेशात परतला असल्याचे मानले जाते.

संपादकीय भूमिका

बांगलादेशातील गेल्या वर्षभरातील घटनाक्रम पहाता यामागे अमेरिका आहे, हे समोर येत होतेच. आता तेथील आतंकवाद्याला पाठीशी घालण्याच्या या प्रयत्नातून अमेरिकाच यामागे आहे, हे उघड होते !

नूतन लेख